紅酒燴牛腩

中醫話女人補血最簡單可以食牛肉，對我這牛魔王兩公婆來講啱晒！屋企長期有齊牛肋條洋蔥甘荀青紅椒，只要買一小支紅酒，就可以炆出一煲紅酒燴牛腩，今次用紅酒可以帶出牛肉味之餘，味道不會太搶，加上紅酒內的葡萄多酚有抗氧化作用，經蒸煮後成分依然存在，所以這個餸都算是補品嚟㗎！

泰式咖哩牛腩

曾經在蘇梅學整咖喱醬，利用十幾二十種天然材料，放在石杵搗成，味道當然夠晒香，不過過程太複雜對手又攰，早幾個月經谷友介紹，試煮了泰國著名餐廳─Blue Elephant藍象自家出品的咖哩醬，一試全家都大讚，青、紅、黃咖哩各有不同辣度，以青咖哩的辣度最輕，我自己就比較鍾意黃咖哩配牛腩，藍象咖哩在泰式雜貨鋪有售，有佢所有程序都變得好簡單。