蕃茄三文魚雞肉煲仔飯

早前成日被焗蕃茄飯洗版，一直未有機會試做，今晚趁天氣凍凍哋，老總又不在家，自己焗了一人煲仔飯，還用了含大量omega 3同高蛋白質有機雞肉，再加雞湯，少鹽、冇油，食得好健康，而且好易煮，真係快靚正到極！

蜜汁豬肉乾

豬肉乾同曲奇餅一樣咁邪惡，又好食又易肥，不過自己整點都健康過買的，不加味精又可以控制糖份，今次試整參考了谷友食譜，不過爐溫我自己再調較過，完全冇難度，間中整來過吓口隱啦！

脆皮燒肉

 

第一次自製燒肉，事前研究了好幾個食譜，有的說要把五花腩吊乾，有的說放入雪櫃醃過夜，考慮到香港天氣潮濕，所以決定好似整叉燒一樣，放入雪櫃把豬皮抽乾水份。雖然今次燒肉皮爆得不夠細密，但是味道簡直同街賣的沒有分別，老總話有90分！到你做的時候，記住在豬皮刺多些孔，上百個更加好，咁就一定爆到又靚又香的燒肉皮喇。

焗豬扒飯

 

細細個就在大家樂食一哥焗豬扒飯，相信大家都有食過吧？有沒有留意豬扒有時會焗得過乾和實，飯底有時則會過濕，其實自己在家做都好簡單，好少成本就可以焗出足夠3-4人食，炒飯底更加可以隨意加入粟米粒、磨菇、青豆不同材料，又香又豐富，邊個話港式食物唔好味呀？